致 想中文成績進步嘅你 ——
唔知你身邊有冇認識嘅人，係數理科目成績好好但中文成績好差？我叫 Log G，係一個香港長大，考DSE嘅學生，而我就係嗰種人，我best 5 30分，中文作文Lv2——。我數學科同埋Physics 等科目通通輕鬆奪星，但係偏偏中文嘅成績卻一直好差⋯
自細開始，我嘅中文成績就一直未如理想，中四之後成日搵唔同嘅中文補習班，去曬唔同天王嘅班房偷師，每期準時交學費，每次上堂都覺得「哇勁啊呢條skill」，但考試嘅時候都係用唔返。我不停背呢個例子、果個技巧名、呢個題型，一年、兩年漸漸過去，我都係冇明顯進步，一直補一直補，直至到唔夠膽問爸爸媽媽拎錢，直至到啲筆記堆滿曬間房，直至到—作文Level 2嘅悲劇發生⋯
-
回想當時，我冇辦法搵到一套合適自己嘅作文方法。好彩，我有其他卷拉返，如願升讀大學，但作文Lv2，永遠成為我心入面嘅遺憾。從小就擅長考試嘅我，竟然會比區區中文作文難倒。於是，我決定自己研究一個簡單易明嘅中文課程，順便幫助更多好似我咁struggle喺作文嘅同學。
咁啱當時 2020 年初係疫症爆發初期，大學全部轉成網上授課，正正啟發咗我開拓網上教學嘅想法，亦令我多咗好多時間可以醉心投身呢個「作文計劃」
當時我同咗唔同嘅補習老師傾計，攞返自己考DSE嗰陣嘅筆記出嚟，更將佢哋仔細分析，了解唔同寫作手法、技巧，亦嘗試將唔同嘅補習材料整合成更精簡嘅筆記，為嘅係諗一條可以fit任何題目、解決任何中文作文問題嘅萬能公式。經過同唔同中文老師一齊測試、改進課程設計。大半年後，2020 年底，我同我嘅團隊終於做咗一份自己滿意嘅筆記，仲拍咗第一期嘅課程，呢個，亦係我地引以自豪嘅初代公式化作文。
-
成個研究、選材、到生產筆記嘅過程，我都有同自己身邊朋友提起。因為我係一個理科人，大學主修工程，所以我將作文步驟拆細，「分而治之」，一步一步咁教，成件事就好practical，單刀直入，唔係好似一般補習老師咁故弄玄虛，收你幾堂錢dum你波鐘。於是，我漸漸請左越來越多學生幫我試個課程，仲有啲家長話：哇，乜原來作文可以咁直接，咁簡單㗎？原來作文可以好似數學一樣，分成一步一步嘅步驟，只要跟住步驟就可以寫出一篇好嘅文章——呢個，就係「分治教育」理念嘅開始。
當時，我歸納咗幾個市面上中文補習課程對理科人嘅主要問題：
-
需要長時間培養
中文科，特別係作文，需要學生培養語感， 但想當然呢樣野唔係一朝一夕就做到。中文老師，唯一叫你做嘅只係「睇多啲書」⋯但大佬，鬼有時間咩，有時候我覺得不如操多幾條數仲好，起碼即刻有效果⋯
-
需要記大量嘅嘢
好多老師會俾好多sample 我哋睇， 教好多唔同嘅skills，要自己從中搵出自己合適嘅寫作方法。所以佢哋會叫我哋寫多啲、試多啲，希望寫得夠多，我哋自己就會搵到方法，分數就會提升。但係作為中文差嘅人根本記唔晒咁多嘅skills。
-
唔知點改善
中文作文嘅時候，好多老師每次都要我哋由頭寫到落尾，叫我地操多啲、作多啲，但篇篇文comment都唔同，都唔知從邊度改起，最後都係束手無策⋯
而呢個就係 分治教育 與別不同嘅解決方法：
-
用最短時間教晒要教嘅嘢
同其他regular course 擠牙膏式補習 (每個regular 教你少少嘢，作文教啲，閱讀教啲) 唔同，我哋一次過教晒所有您需要嘅內容，跟住啲step 就作到一篇好好嘅文。
-
用一個方法解決所有題目
我哋精心設計嘅作文公式經過咁多年past paper （至少十年）嘅驗證，淨係需要記一個方法！
-
拆分步驟，分而治之
我哋將每一個作文步驟拆細再拆細，務求每一個步驟都可以短時間分開咁練，好似操數咁，快速又有針對性咁提升自己能力
-
而 分治教育 最為人所知，是我們首創的「公式化作文」設計。
-
如果要我用文字形容分治算法，我會引用曾經一位同學所講：像一本食譜。分治算法應該比較像新手必備的食譜，就算對廚藝一竅不通，也可以按照指引做出一道美味的佳餚。
分治嘅理念同設計，好快就受到大家歡迎，並且掀起咗一陣小熱潮：每次出新course教新嘅一part 點寫，都有好多人問我哋幾時會出下一個course 教埋其他步驟。大家都好鍾意呢款市面上從未見過，可以快速上手嘅作文技巧。
喺 2023 年 12 月 15 日，我哋最受歡迎嘅記敘文系列終於面世，大家終於可以完整噉用我哋嘅公式完整噉寫晒成篇文。 而家，正式開始介紹。
【介紹 「五節KO記描抒系列」】
-
-
分治教育的課程採用咗我哋團隊研發，經咁多年past paper 驗證嘅「分治公式」。我哋將作文細分成各個可以操作嘅步驟，手把手教你克服一個個嘅作文難關：審題、化用素材、扣題、矛盾建立、衝突解決、昇華。首先我嚟為你解構呢個系列…
-
-
「3+3審題立意通殺法」
【1】
有冇試過完成成篇文之後，換來老師一句「立意薄弱」、「感悟不夠深刻」，或者大大隻紅色字寫住「離題」？（我果陣最怕就係作文離題，一離題注定Lv2⋯）
------
⭐「3+3審題立意通殺法」幫助你從審題開始，透過關鍵字就可以決定文章嘅大意，包你一定唔會離題，同時，只要記 3+3（total 6隻字），就可以掌握高階立意，對付99%題目嘅昇華部分，避免文章過於平淡。 -
「開首結尾必殺技」
【2】
所謂「萬事起頭難」，有冇試過考作文嘅時候諗左勁耐，R爆曬頭都落唔到筆？或者有冇試過一開始充滿idea，但到最後因為唔夠時間或者唔知點樣完結而虎頭蛇尾？又或者開首結尾嘅內容冇銜接/過渡，變得同正文毫不關聯？
------
⭐「開首結尾必殺技」幫助你喺作文開首結尾做到點題，首尾呼應，結構工整，避免文章描寫有始無終。
-
「一招KO記敘文轉捩點」
【3】
唔知你有冇試過比人話轉折突兀？老師每次都同你講，轉折唔夠好，寫多啲。我心諗：我識嘅野已經寫晒啦，又話唔夠多，又剩，我都冇辦法！最後唯有草草收尾。
大個之後，我就明白咩叫轉捩點。啫係你睇個電影，你都會X啲主角冇腦嘅行為，又解釋唔到點解主角咁做，抵套電影唔收得。於是，我諗返嗰陣我寫文，求其一句轉折，就直接駁去反思，冇前文後理嘅解釋就發生咗180度的轉變，令角色變得簿弱，文章失去舖墊，而變得突兀。------
⭐「一招KO記敘文轉捩點」課程幫助你用7句，就可以完整處理轉捩點，流暢、make sense、舒服，唔洗再比marker話文章平鋪直敍或突兀。透過分析Past paper了解學生通病，唔再重複犯錯！ -
「一招KO記敘文矛盾建立」
【4】
成日俾老師話作文敘事好老土平淡，或者事情發生描寫得好核兀？
咩係矛盾建立呢？其實喺電影同漫畫中，我哋都經常見到主角會同其他角色發生矛盾衝突，之後再觸發主角成長嘅情節。所以作我哋喺作文入面都應該要做到呢個效果，故事先可以吸引到人！------
⭐「一招KO記敘文矛盾建立」幫你喺敘事嘅時候增加故事嘅張力，令故事更曲折生動，有感染力。
-
「全方位昇華課程」
【5】
成日聽老師講作文冇深化主題？咁點樣先可以深化到啊？其實就係喺文章收尾嘅時候要做到主題昇華，但好可惜，好多日校老師都未必會教到昇華技巧，淨係識得叫你諗深一層，好虛無飄渺，而昇華方法更加唔係每條題目都套用到⋯
------
⭐「全方位昇華課程」幫你KO立意唔夠深刻嘅問題，令道理敘述嘅層次更為豐富，深化文章嘅主題！
【實戰應用】
-
-
原來，一條公式就可以KO中文作文嘅噩夢！學完呢啲課程，同學就可以搞掂記描抒系列嘅所有作文部分，同埋實戰應用喺10年pastpaper入面！幫助同學更好應對DSE中文卷二。
-
「課程 & 實戰循環」
過去呢一年，我一直喺度諗，點先可以令我哋用清楚和最快嘅方法學習、熟練，同埋喺考試中運用到這些技巧。而當中我留意到嘅事就係，其實當我哋學習一樣事物，其實需要不斷練習。所以喺研究呢個課程嘅時候，呢個係一個重要著眼點。
首先，我將每個對應嘅課程都設計咗幾個相同嘅Section。 我哋會先指出學生喺嗰方面面臨嘅問題，並喺pastpaper中搵出相應嘅問題。
然後我哋會介紹公式同拆解公式中唔同部分同步驟，再show比大家睇喺十年past paper嘅題目上面點樣用到呢一條公式，將文章拆成公式嘅唔同部分。然後我哋會俾實戰練習大家去試用公式， 確保大家學咗之後都識得用。
原理係咁嘅：學習公式後學生即刻應用到唔同嘅寫作題目，例如續寫段落、改寫例子等，透過喺課程中不斷嘅練習令學生更熟習公式，亦令學生喺作文不同部分逐漸進步。從而可以喺日後應用到自己嘅文章，唔再紙上談兵，而真正喺作文嘅時候活用公式內容加強記敍文寫作技巧，用最短嘅時間有效咁提升中文寫作能力。
我哋稱之為：「課程 & 實戰循環」
-
「百搭句式」
我哋觀察到市面上好多嘅補習課程都會俾好多唔同靚詞靚句，但係真正去到運用嘅時候，同學仔又唔知點樣化用句子融入文章入面。而當中我留意到嘅事就係，其實當我們喺考場寫作時，其實需要不斷嘅練習學生先可以學識化用句子。所以喺研究呢個課程嘅時候，呢個係一個重點。
我哋喺設計課程嘅時候，就歸納出一啲萬能句式，俾埋實戰例子，確保同學知道點樣化用喺自己嘅文章入面。
透過咁樣嘅學習過程，同學就唔駛背成堆唔知點用嘅素材，直接背百搭句式。經過多次實戰操練應用句式，真正行入考場嘅時候，記憶已經好深刻，會自自然然寫到呢啲句子出來，提昇文筆分！
【個人化分段網上課堂】
-
一個補習課程要真正俾同學應對考試，除咗內容要貼切文憑試之外，合適嘅學習策略亦好重要。
每一個人的中文水平、考試目標都不一，以致鍾意嘅課程都唔同。喺我初初開始了解各種補習課程嘅時候，已經意識到一個常規普遍嘅補習課程係無法適合所有人。因此，分治課程並唔係一個實體常規、守舊嘅設計。一個課程，一條公式就可以解決作文分卷，真正擺脫大型補習社常規模式同日校老師「睇多啲書」嘅教學模式，將作文「吹水」化為具體操作。
分治教育設有唔同網上課程，根據唔同學習需求獨立設計課程。俾獨一無二的你，選擇出適合自己的補習課程，就似訂造課程般貼近個人需要，避免咗怕買返嚟嘅補習課程唔適合自己嘅問題。除此以外，喺設計課程時，我哋更選擇彈性嘅課堂方式，為你提供更多自由度，自由增減學習量。
-
【分治教育導師資歷】
-
-
雖然我當年作文Level 2，但如今我已經脫胎換骨！我地課程由幾位經驗豐富嘅中文系、中文教育系導師設計，每位導師皆取得5**優異成績，加上我嘅貢獻，用數學概念重新組織課程，令佢成為最易令理科生明白嘅中文寫作課程。
所以！！！！！
我都知道好多課程講到好好，但喺好多時候要試過先至會知道啱唔啱自己。因為咁，我決定免費送出我哋其中一個熱門課程 「一招KO記敘文轉捩點」課程！！！！！！！！！
希望大家可以先試吓瞭解我哋嘅課程同埋教嘅方法，試完覺得適合再買!
完成後仲可以以優惠價購買成個記敍文package，一次過搞掂卷二!!!。
【分治學生 Feedback】
-
-
喺設計課程嘅時候，我一直思考一個問題：需唔需要更加多嘅新招數幫助同學？
點樣可以令到大家易明白，但係又可以攞到高分？
我留意到市面上好多新嘅招數如「二元對立」「先破後立」等等新穎技巧，但不禁令我問自己一個問題：
呢啲標榜新穎嘅技巧，係咪真係可以幫助到同學應對中文科？
經過不斷嘅調查，我哋發現同學真正需要的，係一個全面實用，而精細的補習課程。
【結語】
-
-
好少人會睇到呢個部份，所以我在此想寫少少結語。如果你睇到呢度，我衷心多謝你，我都希望呢一個新嘅作文邏輯，可以幫到你安全渡過中文作文嘅苦難！
過去一年我全職投入分治教育的工作，遇到好多人，見到好多唔同補習社嘅做事方法。我甚少講別人壞話，因為我相信各有各做，我做好自己就好，有購買過我哋課程嘅同學都會明白。
我唔想講任何壞話，但或許喺這個補習市場的界別內，太多巧立名目，冇人切切實實喺學生角度出發，去做一個平平實實、切合同學實際需要嘅補習課程。我知道，因為標榜技巧如何新穎可以有更高嘅盈利，但噉樣對於同學真係好咩？
因此喺今次 【分治教育·記描抒系列】中，我不斷測試、改進，好似數學家咁希望搵到一條最簡潔、最powerful嘅公式，再加上分段式課程設計，踏實咁做好一個專為同學而設嘅的課程。
如果問：分治教育補習課程是不是一個補習界上最貴、最豐富嘅課程？我可以很確實咁答你「不是」，數千元嘅課程比比皆是，但坦白講呢花費出去嘅幾千蚊內有幾多係真係能夠喺考試用得著？使用上感受得到，係真正可以令同學受惠？我知道再寫落去會得罪人，所以就此擱筆。
Click 以下「加入購物車」嘅按鈕，我地會有專人send一份筆記比你，你即刻就可以成為分治一份子，用最有效嘅方法，KO作文，擺脫考試恐懼，我地未必幫到你拎5**，但如果幫到你從此唔再驚作文，已經功德無量🙏🏻。考試前嘅夜晚，打開電腦，睇睇分治公式，當你嘅同學仲好似盲頭烏蠅咁背緊一堆範文同素材，你已經可以按我們嘅公式同句子寫出一篇範文！努力，終得回報，但努力，更要用啱方法！
分治教育
一招KO記敘文轉捩點
一招KO記敘文轉捩點
無法載入取貨服務供應情況
🔢 化用工程學「分治算法」，將作文細分成各個可以操作的步驟，即學即用
♻️ 精心設計「課程 & 實戰循環」，手把手教你克服作文各個難關：審題、化用素材、扣題、矛盾建立、衝突解決、昇華，真正有法可循
✏️ 擺脫大型補習社常規課程模式，一個課程，一個價錢，一條百搭作文Formula，從此KO作文分卷
📖 擺脫日校老師「睇多啲書」教學模式，將作文「吹水」化為具體操作
🌟 Straight 5** & 中大中文系 & 中文教育 & 一級榮譽 導師驗證課程設計
